Ministry of Urban Development and Sacred Area Development
ප්‍රධාන මෙනුව
ඔබ මෙතනයි :
මුල් පිටුව 
ව්‍යාපෘති
ව්‍යාපෘති
නගරයේ පැතිරීම පාලනය කර ගැනීමේ උපාය මාර්ගයක් ලෙස නව නගර හෝ පාර්ශවික නගර සංවර්ධනය භාවිතා කරනු ලබයි. කොළඹ නගරයේ පැතිරීම සලකා බලන විට මෙවැනි නව නගර පිහිටවීම මගින් ප්‍රධාන නගරය ප්‍රතිව්‍යුහගත කරමින්, ඒක කේන්ද්‍රීය නගරය වෙනුවට බහු කෙන්ද්‍රීය සංවර්ධන කරා යොමුවිය හැක. වැඩි වන ජනගහනය මේ ආකාරයෙන් සංවර්ධනය කරනු ලැබු නව නගර හෝ පාර්ශවික නගරවල පදිංචි කරවීමෙන් අනතුරුව, ප්‍රධාන නගරය ව‍ඩා වැඩි තීව්‍රතාවයකින් යුත් ධරණිය සංවර්ධනයකට ලක් කළ හැක. මෙවැනි පැහැදිලි උපාය මාර්ගයක් ඇති විට, අළුතින් සංවර්ධනය කිරිමට හඳුනාගත් නගර තෝරාගත් සංවර්ධනයකට සීමා කරමින් සුදුසු මනරම් පරිසරයක් බිහිකර ගැනීමට හැකිවනු ඇත. පිටත වට රවුම් පාර යනු කොළඹ-කටුනායක අධිවේගී මාර්ගය සහ දකුණු ප්‍රවාහන සංවර්ධන ව්‍යාපෘති යා කෙරෙන අර්ධකවාකාර ප්‍රධාන මාර්ගයකි. මෙය නගර මධ්‍යයේ සිට කි.මි.10-15 පමණ දුරින් පිහිටා ඇති අතර, දළ වශයෙන් කි.මිටර් 29කි. මෙම මාර්ගය කොළඹ නගරයේ වාහන තදබදය අඩු කිරීමට හේතුවන විකල්ප මාර්ගයක් ලෙස භාවිතා කළ හැක. පිටත වට රවුම් පාර අධිවේගි මාර්ග හරහා ගමන් කරන ස්ථාන කේන්ද්‍රිත කොට ගනිමින් ඒ ආශ්‍රිත ද්වීතික නගර සංවර්ධනයට සැලසුම් කොට ක්‍රියාත්මක කිරීම මගින් මෙම මාර්ග ගමනාගමනයට විවෘත කරමින් ආදායම් ඉපිදවිය හැක. සැලසුම් කර ඇති පිටත වටරවුම් පාර ප්‍රධාන මහා මාර්ග කීපයක් ඡේදනය කරයි. එමනිසා නගර නිර්මාණයට සුදුසු ස්ථාන 06ක් යෝජිත අතර, ඒවා සියල්ල සීඝ්‍රයෙන් වර්ධනය වන නාගරික මධ්‍යස්ථාන වලට යාබදව පවතී. එය මෙම මාර්ගයේ රථවාහන ගමනාගමනය කෙරෙහි දැඩි බලපෑමක් එල්ල කරනු ඇත. මෙමගින් තෝරාගත් ස්ථාන වල ඉදිකෙරෙන ද්වීතීක නගරයන් හා නව අවස්ථා සහ සංවර්ධනයක් අපේක්ෂා කළ හැක. එම නිසා නාගරික සංවර්ධන හා පුජා භූමි සංවර්ධන අමාත්යාංශය මෙවැනි ප්‍රධාන උප නගර 03ක් හදුනාගත් ඇත. ඒවා නම් කොට්ටාව, කඩවත සහ කඩුවෙල වන අතර, ඒ සියල්ල ඉහත සඳහන් කළ වටරවුම් පාර අනෙකුත් ප්‍රධාන මාර්ග හරහා ගමන් කරන ලක්ෂයන් වන අතර, සුදුසු සැලසුම්කරණය හා ජලය, විදුලිය, මාර්ග මලාපහනය සහ ජලාවහනය වැනි අත්‍යව්ශ්‍ය යටිතල පහසුකම් සැලසීම මගින් මෙම නගර නව්‍ය, සමෘධිමත් නගර බවට පත්වනු ඇත. නගර සංවර්ධනය හා ප්‍රධාන මහා මාර්ගයක ඒකාබද්ධ කිරීම ශ්‍රී ලංකාව තුල පළමු වරට සිදු කරන්නා වු සංවර්ධනයකි. දැනටමත් සම්පත් හිඟ බැවින් පීඩා විඳින රාජ්‍ය ආයතනයන්ට මෙවැනි නව නගර සංවර්ධන කාර්යයක් තනිව කරගෙන යාමට නොහැකිය. මෙම කාර්යයන් හුදෙක් කළාප සිතියම් පිළියෙල කිරීමකට ඔබ්බට ගොස් දේපළ වෙළඳ පොළට සේවා සැපයු ඉඩම් කැබලි ලබා දීමද අපේක්ෂා කරන බැවින් මෙම සීමාකාරී බව තදින් බලපායි. එහෙයින් මෙවැනි කාර්යයකදී පෞද්ගලික අංශය උපදේශක ම‍ට්ටමින් සහභාගි කරවා ගැනීමට වැදගත්ය. මෙවැනි කාර්යයකට අවශ්‍ය විශේෂඥ දැනුම අප රටේ නොමැති වීමට ඉඩ ඇති නිසාත්, උපදේශකවරුන් ලෙස සම්බන්ධ වන පුද්ගලයින් විදේශකයින් වීමට ඉඩ ඇති නිසාත්, මීට පෙර නගර නිර්මාණයේදී අප රටේ මීට පෙර භාවිතා නොවු තාක්ෂණය, දැනුම, උපක්‍රම ආදිය මෙම ක්‍රියාදාමයේදී භාවිතා විය හැකි අතර, එය අප රටට දැනුම ගලා ඒමක් ලෙස හැඳින්විය හැක. මෙම ව්‍යාපෘතියේ වැදගත් හා විශේෂ ලක්ෂණ නම්,
|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
